Polisiau

Mae gan yr ysgol bolisi pendant sy’n amlinellu sut rydym yn delio ag achosion o fwlio pan ddigwydd yn yr ysgol. Mae’r polisi’n cydymffurfio â chanllawiau Gwrth-fwlio (Cylchlythyr 23/2003)

NOD Y POLISI:

1. Creu amgylchedd lle mae pawb yn teimlo'n gartrefol, yn ddiogel ac yn hapus. Dim ond mewn amgylchedd fel hwn y gall plant gyrraedd eu llawn botensial. Mae pob math o fwlio yn tanseilio cyfle cyfartal.
2. Mae'r polisi hwn yn caniatáu i'r ysgol adnabod bwlio cyn gynted ag y bydd yn dechrau gan ganiatáu i'r staff ddelio â'r sefyllfa a'i datrys cyn gynted â phosibl.

Pan fo’r ysgol yn adnabod achosion o fwlio fe fydd yn dilyn y camau isod:

1. Trafod y digwyddiad gyda'r plant yn unigol.
2. Cynnal cyfarfod gyda’r rhieni/gwarcheidwaid.
3. Cofnodi’r dystiolaeth a gasglwyd.
4. Gweithredu pellach os oes angen.

NOD Y POLISI:

1. Darparu cyfle i bob disgybl, beth bynnag fo’i ryw, ei allu, ei gefndir diwylliannol ag ethnig.
2. Sicrhau nad oes unrhyw blentyn yn dioddef rhagfarn ar sail hil, cred, rhyw, iaith, gallu addysgol, safle cymdeithasol nac anabledd.
3. Sicrhau fod holl ystod y cwricwlwm ac holl adnoddau’r ysgol ar gael i bob disgybl.
4. Sicrhau fod agweddau cymdeithasol cadarnhaol yn cael eu meithrin yn yr ysgol ymhlith plant ag oedolion. Anogir plant i gydweithio ac i ddangos dealltwriaeth o’u cyfrifoldeb tuag at eraill.

NOD Y POLISI:

Mae gan bob ysgol ddyletswydd fugeiliol tuag at ei disgyblion a thrwy hynny, mae’r ysgol hon yn hyrwyddo atal camdriniaeth ac esgeulustod trwy greu a chynnal awyrgylch ddiogel i’w disgyblion.

Mae’r ysgol hon o’r farn fod bwlio seibr yr un mor ddifrifol â ffurfiau eraill o fwlio.

O ganlyniad ni ellir caniatáu defnyddio ffonau symudol gan ddisgyblion tra ar safle’r Ysgol. Os oes rhaid i blentyn ddod â ffôn symudol gydag ef/ hi i’r ysgol am resymau arbennig fe fydd yn rhaid iddo / iddi ei adael yn y swyddfa gynted ag y bydd yn cyrraedd yr ysgol.

Trefn Disgyblu

Pe bai disgybl yn defnyddio ffôn symudol tra ar safle’r Ysgol mi fydd yn derbyn cosb yn unol â pholisi ‘Rheoli Ymddygiad Disgyblion’ yr Ysgol. Mi fydd disgwyl i’r unigolyn cadw ei ffôn, wedi’i diffodd mewn man ddiogel a ddarperir gan yr Ysgol i’r pwrpas hwnnw. Dychwelir y ffôn symudol ar derfyn y diwrnod ysgol. Os bydd y disgybl yn torri’r rheol am yr ail-dro cedwir y ffôn hyd nes bydd rhiant wedi dod i’r ysgol i’w nôl.

NOD Y POLISI:

Nod y polisi hwn yw ychwanegu yn gyfrifol ac yn ddatblygiadol at wybodaeth a phrofiadau plant am eu cyrff a’u perthynas o’r byd o’u cwmpas. Trwy wneud hyn bydd y disgyblion yn gallu delio yn well yn ystod glasoed wrth ddatblygu sgiliau a hunain barch i fod yn hyderus yn eu arddegau.

Amcanion Cyffredinol

• Cyflwyno Addysg Bywyd/Rhyw a Pherthnasoedd fel rhan o raglen Addysg Bersonol a Chymdeithasol gynhwysfawr
• Paratoi disgyblion ar gyfer glasoed
• Datblygu sgiliau a hunan barch i gynorthwyo plant wrth gyrraedd eu arddegau
• Delio â phryder a chywiro camddealltwriaeth y gall plant eu cael o’r cyfryngau a chyfoedion
• Datblygu sgiliau i gynorthwyo plant i’w hamddiffyn eu hunain rhag profiadau rhywiol nad ydyn nhw am eu cael
• Trafod agweddau a gwerthoedd

Mae’r Corff Llywodraethu yr ysgol, yn unol â gofynion Adran 29 Deddf Addysg 2002, wedi sefydlu trefn ar gyfer trin cwynion gan rieni. Bydd y Corff Llywodraethol yn ystyried canllawiau’r Cynulliad Cylchlythyr 03/2004 pan ddaw unrhyw gwyn i law. Bydd pob broses yn dilyn y drefn a nodir yn y ddogfen. Mae’r Llywodraethwyr wedi sefydlu trefn tri cham i drin a chwynion.

Cam 1 - Cwyn lafar/ysgrifenedig i aelod o staff neu’r pennaeth. Gwneir pob ymdrech gan y pennaeth i ddatrys y gwyn ar y cam hwn.

Cam 2 - Cwyn ysgrifenedig i’r pennaeth a gaiff ei archwilio a’r canlyniad yn cael ei gyflwyno yn ysgrifenedig i’r achwynydd.

Cam 3 - Os nad yw’r achwynydd yn fodlon â’r canlyniad fe all y Corff Llywodraethu ystyried y mater. Clywir y gwyn gan Is-Banel Cwynion y Corff. Yn dilyn cwblhau Cam 3 gall y corff llywodraethol neu’r achwynydd gysylltu â’r AALl i adolygu’r drefn. Dylid cysylltu â’r ysgol i wneud apwyntiad i drafod unrhyw gŵyn gyda’r pennaeth.